By കാരുണ്യ പ്രവർത്തനങ്ങൾക്ക് കൈത്താങ്ങ്; കാസർകോട് സി.എച്ച് സെന്ററിന് ദുബൈ കെ.എം.സി.സി മണ്ഡലം കമ്മിറ്റി 10 ലക്ഷം രൂപ കൈമാറി
കാസർകോട്: ജീവകാരുണ്യ പ്രവർത്തന രംഗത്ത് മാതൃകാപരമായ സേവനങ്ങൾ കാഴ്ചവെക്കുന്ന കാസർകോട് സി.എച്ച് സെന്ററിന് ദുബൈ കെ.എം.സി.സി കാസർകോട് മണ്ഡലം കമ്മിറ്റിയുടെ സ്നേഹോപഹാരം. പരിശുദ്ധ റമസാൻ മാസത്തിൽ കാസർകോട് മണ്ഡലത്തിലെ വിവിധ പഞ്ചായത്ത്, മുനിസിപ്പൽ കമ്മിറ്റികൾ വഴിയും നേരിട്ടും സമാഹരിച്ച 10 ലക്ഷം രൂപയാണ് സി.എച്ച് സെന്ററിന് കൈമാറിയത്.
നിർധനരായ രോഗികൾക്ക് സൗജന്യ ഡയാലിസിസ് ഉൾപ്പെടെ സാന്ത്വനവും തണലുമേകുന്ന നിരവധി പദ്ധതികളാണ് കാസർകോട് സി.എച്ച് സെന്റർ നടപ്പിലാക്കി വരുന്നത്. ഇത്തരം സേവന പ്രവർത്തനങ്ങൾക്ക് ദുബൈ കെ.എം.സി.സി കാസർകോട് മണ്ഡലം കമ്മിറ്റി വർഷങ്ങളായി നിരന്തരമായ പിന്തുണ നൽകിവരുന്നുണ്ട്. സാമ്പത്തിക പ്രതിസന്ധി കാരണം കാരുണ്യ പ്രവർത്തനങ്ങൾ മുടങ്ങാതിരിക്കാനും, കൂടുതൽ അശരണരിലേക്ക് സഹായമെത്തിക്കാനുമാണ് റമസാൻ കാലത്ത് ധനസമാഹരണം നടത്തിയത്. പ്രവാസ ലോകത്തുനിന്നും സ്വരൂപിച്ച ഈ തുക ജീവകാരുണ്യ പ്രവർത്തനങ്ങൾക്ക് തന്നെ വിനിയോഗിക്കുന്നതിലൂടെ പ്രവാസി സമൂഹം തങ്ങളുടെ സാമൂഹിക പ്രതിബദ്ധതയാണ് ഉയർത്തിപ്പിടിക്കുന്നതെന്ന് ചടങ്ങിൽ സംസാരിച്ച നേതാക്കൾ വ്യക്തമാക്കി.
തളങ്കര വെൽഫെയർ മാനറിൽ നടന്ന ലളിതമായ ചടങ്ങിൽ ദുബൈ കെ.എം.സി.സി ജനറൽ സെക്രട്ടറി യഹിയ തളങ്കര അധ്യക്ഷത വഹിച്ചു. മണ്ഡലം ജനറൽ സെക്രട്ടറി ഹസ്കർ ചൂരി സ്വാഗതം ആശംസിച്ചു. മുസ്ലിം ലീഗ് ജില്ലാ ജനറൽ സെക്രട്ടറി എ. അബ്ദുൽ റഹ്മാൻ ചടങ്ങ് ഉദ്ഘാടനം ചെയ്തു. സി.എച്ച് സെന്റർ വർക്കിംഗ് ചെയർമാൻ അബ്ദുൽ കരീം സിറ്റി ഗോൾഡ് ഫണ്ട് ഔദ്യോഗികമായി ഏറ്റുവാങ്ങി.
ചടങ്ങിൽ മുസ്ലിം ലീഗ് ജില്ലാ പ്രസിഡന്റ് കല്ലട്ര മാഹിൻ ഹാജി, സംസ്ഥാന സെക്രട്ടറിയേറ്റ് അംഗം എൻ.എ നെല്ലിക്കുന്ന്, ജില്ലാ ഭാരവാഹികളായ എ.എം കടവത്ത്, എം. അബ്ബാസ്, ഹാരിസ് ചൂരി, മണ്ഡലം പ്രസിഡന്റ് മാഹിൻ കേളോട്ട്, കെ.എം.സി.സി സംസ്ഥാന ഭാരവാഹികളായ ഹംസ തൊട്ടി, അബ്ദുല്ല ആറങ്ങാടി, ജില്ലാ ജനറൽ സെക്രട്ടറി ടി.ആർ ഹനീഫ, അഷ്റഫ് എടനീർ, അസീസ് കളത്തൂർ, അൻസാഫ് കുന്നിൽ, മുത്തലിബ് പാറക്കെട്ട്, കെ.ബി കുഞ്ഞാമദ്, ഹാഷിം കടവത്ത്, നാസർ ചായിന്റടി, എസ് മുഹമ്മദ്, അൻവർ ചേരങ്കൈ, ജലീൽ കോയ, ഏരിയാൽ മുഹമ്മദ് കുഞ്ഞി, കെ.എം അബ്ദുൽ റഹ്മാൻ, ഇബ്രാഹിം ബേരിക്ക, ബഷീർ പാറപ്പള്ളി, കെ.എം ബഷീർ, ജലീൽ എരുതുംകടവ്, കെ.എം ഹനീഫ്, ഉപ്പി കല്ലങ്കൈ, സഫ്വാൻ അനങ്കൂർ, സർഫ്രാസ് പട്ടേൽ, അൻവർ പള്ളം, ജലാൽ കുന്നിൽ, ഷാഫി ഷാർജ, ജലാൽ തായൽ, മജീദ് കോളിയാട്, ഇഖ്ബാൽ ചേരൂർ, സിദ്ദിഖ് ബേക്കൽ, ഹനീഫ കട്ടക്കാൽ, അനസ് എരുതുംകടവ്, ഹാഷിർ മൊയ്തീൻ, എ.എ നജീബ്, നാഫി ചാല, ശിഹാബ് പുണ്ടൂർ, സിനാൻ ചെങ്കള, അബ്ബാസ് മൊഗ്രാൽ, കലന്തർ ഷാഫി, അനസ് കണ്ടത്തിൽ, പൈച്ചു ചെർക്കള, മൂസ ബാസിത്, റഹ്മാൻ പടിഞ്ഞാർ, മൊയ്തു അറഫ, വലിയുല്ലിൽ ശെയ്ഖ്, സാലി ബേർക്ക, സുൽവാൻ ചെമ്മനാട്, ഹാഷിം ബാembrani, താഹ തങ്ങൾ, സജീർ ബെദിര, സിദ്ദാൻ തളങ്കര, എൻ.എ താഹിർ, ഷബീർ കിഴൂർ, മുനീർ പള്ളപ്പുറം, ഹസ്സൻ പതിക്കുന്നിൽ തുടങ്ങിയ പ്രമുഖർ സംബന്ധിച്ചു. കെ.എം.സി.സി മണ്ഡലം വൈസ് പ്രസിഡന്റ് സുഹൈൽ കോപ്പ നന്ദി രേഖപ്പെടുത്തി.
