ആ ഇരുണ്ട കാലം വീണ്ടും വരുന്നു , ഡാമുകളിൽ വെള്ളമില്ല, ജനം ഇരുട്ടിൽ കഴിയേണ്ടി വരുമോ ?

ആ ഇരുണ്ട കാലം വീണ്ടും വരുന്നു , ഡാമുകളിൽ വെള്ളമില്ല, ജനം ഇരുട്ടിൽ കഴിയേണ്ടി വരുമോ ?

ഈ വർഷത്തെ മഴ ലഭ്യത ഏതാണ്ട് അവസാനിച്ച മട്ടാണ് , കാലവർഷം കനിഞ്ഞില്ലെങ്കിൽ കെഎസ്ഇബിയുടെ ഫ്യൂസ് ഊരുമെന്ന അവസ്ഥയിലേക്ക് കേരളം വീണ്ടും എത്തിനിൽക്കുകയാണ്. ഡാമുകളിൽ ആകെ സംഭരണശേഷിയുടെ വെറും 50 ശതമാനം വെള്ളം മാത്രമാണ് കെഎസ്ഇബിയുടെ 17 ഡാമുകളിൽ അവശേഷിക്കുന്നത്. കഴിഞ്ഞ വർഷം ഇതേസമയം 80 ശതമാനം വരെ നിറഞ്ഞുനിന്ന സ്ഥാനത്താണിത്. സംസ്ഥാനത്തിന്റെ ഊർജ്ജ കേന്ദ്രമായ ഇടുക്കിയിൽ പോലുമുള്ളത് തുച്ഛമായ 63 ശതമാനം വെള്ളം മാത്രം. ഡാമിലെ പകുതി വെള്ളവും വെച്ച് സർക്കാരും കെഎസ്ഇബിയും ഏത് മായാജാലം കാണിക്കും എന്നാണ് ജനം ആകാംഷയോടെ നോക്കി കാണുന്നത് .

കേരളത്തിൽ കഴിഞ്ഞ മൂന്നു മാസങ്ങൾക്കിടയിൽ ഏറെ പഴികേട്ട ഒരു വകുപ്പാണ് വൈദ്യുതി വകുപ്പ് .വൈദ്യുതി മാനേജ്‌മെന്റിന്റെ അമ്പേ പരാജയപ്പെട്ട മുഖമാണ് മലയാളികൾ കണ്ടത് . വരാനിരിക്കുന്ന മൂന്ന് മാസങ്ങൾ ജനങ്ങൾക്ക് പരീക്ഷണഘട്ടമാണ്. പുറത്തുനിന്ന് കൂടിയ വിലയ്ക്ക് വൈദ്യുതി വാങ്ങി പ്രശ്നം പരിഹരിക്കാൻ സാധിക്കുമോ എന്ന് വൈദ്യുതി വകുപ്പ് പരിശോധിക്കുന്നുണ്ട് , അങ്ങനെയാണെങ്കിൽ തന്നെ ലോഡ്ഷെഡിംഗും പവർകട്ടും ഒഴിവാക്കാൻ സാധിക്കില്ല എന്നാണ് പുറത്തുവരുന്ന വിവരങ്ങൾ , ഇപ്പോൾ തന്നെ അപ്രതീക്ഷിതമായ വൈദ്യുതി മുടക്കം പതിവാണ് , ഒരു ദിവസം തന്നെ കുറഞ്ഞ നേരത്തേക്കാണെങ്കിലും നിരവധി തവണയാണ് വൈദ്യുതി മുടക്കം നേരിടുന്നത് .

തുലാവർഷം കനിയുമെന്ന അന്ധമായ പ്രതീക്ഷയിൽ ആകാശത്തേക്ക് നോക്കിയിരിക്കുകയാണ് വകുപ്പിലെ ബുദ്ധിരാക്ഷസന്മാർ. പ്രകൃതിയെ മാത്രം പഴിചാരി ഭരണം നടത്തുന്നവർ ഓർക്കേണ്ടത് ഒന്നേയുള്ളൂ, കാലാവസ്ഥാ വ്യതിയാനവും വരൾച്ചയും ഇന്നലെ തുടങ്ങിയതല്ല. മുൻകൂട്ടി ബദൽ ഊർജ്ജ സ്രോതസ്സുകൾ കണ്ടെത്താൻ സാധിക്കണം , പണി പാളുമ്പോൾ മാത്രം കൈമലർത്തുന്ന ഈ ഉദ്യോഗസ്ഥ-ഭരണ നേതൃത്വം കാരണം ഇനി ഇരുട്ടിലിരുന്ന് കൈവീശേണ്ടി വരുന്നത് പാവം ജനങ്ങളാണ്. നിലവിലെ പോക്ക് കണ്ടിട്ട്, പവർകട്ടിന്റെ ചൂടും കറന്റ് ബില്ലിന്റെ ഷോക്കും ഒരുമിച്ച് താങ്ങേണ്ടി വരുന്ന വല്ലാത്തൊരു ‘ഇരുണ്ട കാലമാണ്’ കേരളത്തിന് മുന്നിലുള്ളത്.

ഈ വാർത്ത രസകരമായി വീണ്ടും നല്ല രീതിയിൽ അവതരിപ്പിക്കുക ബുള്ളറ്റ് പോയിന്റ്കൾ ആക്കരുത് നല്ല ആർട്ടിക്കിൾ പോലെ അല്പം രസം കലർത്തി നല്ല തലക്കെട്ട് കൂടി അവതരിപ്പിക്കുക