ഒരേ സ്കൂളിലെ നിരവധി വിദ്യാർത്ഥിനികൾ ക്രൂര പീഡനത്തിന് ഇരയായി; പെൺകുട്ടി പ്രസവിച്ച സംഭവത്തിൽ നടുങ്ങി നാട്; പോക്സോ കേസിൽ പതിനെട്ടുകാരൻ കസ്റ്റഡിയിൽ

ഒരേ സ്കൂളിലെ നിരവധി വിദ്യാർത്ഥിനികൾ ക്രൂര പീഡനത്തിന് ഇരയായി; പെൺകുട്ടി പ്രസവിച്ച സംഭവത്തിൽ നടുങ്ങി നാട്; പോക്സോ കേസിൽ പതിനെട്ടുകാരൻ കസ്റ്റഡിയിൽ

കാസർകോട് ജില്ലയിലെ നിന്നും പുറത്തുവരുന്നത് മനുഷ്യ മനസ്സാക്ഷിയെ മരവിപ്പിക്കുന്ന തരത്തിലുള്ള ഞെട്ടിക്കുന്ന പീഡന വിവരങ്ങളാണ്. അറിവും സംസ്കാരവും വളരേണ്ട വിദ്യാലയമുറ്റങ്ങളെയും ഇളംതലമുറയുടെ സുരക്ഷിതത്വത്തെയും ഒരുപോലെ കരിനിഴലിലാക്കിയിരിക്കുകയാണ് ഈ ദാരുണ സംഭവം. പ്രായത്തിന്റെ ആനുകൂല്യത്തിൽ സഹപാഠിയെന്ന സൗഹൃദവും മുതലെടുത്ത്, ഒരു ക്രൂരനായ പതിനെട്ടുകാരൻ ഒരേ സ്കൂളിലെ നിരവധി വിദ്യാർത്ഥിനികളെയാണ് നിരന്തരമായ പീഡനത്തിനിരയാക്കിയിരിക്കുന്നത്. കേട്ടാൽ വിശ്വസിക്കാൻ കഴിയാത്തവിധം ഭയാനകമായ വിവരങ്ങളാണ് പുറത്തുവന്നുകൊണ്ടിരിക്കുന്നത്.

ആളൊഴിഞ്ഞ കെട്ടിടങ്ങളും ഭയത്തിന്റെ നിഴലിൽ ഒതുങ്ങിയ കൊച്ചുകുട്ടികളും

ഒരു വർഷം മുൻപ് സ്കൂൾ വിട്ടുപോകുന്ന വഴികളിലാണ് ഈ പൈശാചിക കൃത്യങ്ങൾ അരങ്ങേറിയത്. ആളൊഴിഞ്ഞതും ആരുമില്ലാത്തതുമായ കെട്ടിടങ്ങളിലേക്ക് പെൺകുട്ടികളെ ബലമായി കൂട്ടിക്കൊണ്ടുപോയി ഭീതിയുടെ നിഴലിൽ നിർത്തി പ്രതി ക്രൂരത തുടരുകയായിരുന്നു. ഇതിനിടയിലാണ് ഈ കൂട്ടത്തിൽ ഒരു വിദ്യാർത്ഥിനി പീഡനത്തെ തുടർന്ന് ഗർഭിണിയായത്. വയറുവേദനയെ തുടർന്ന് കുമ്പളയിലെ ഡോക്ടറെ കാണിച്ചപ്പോഴാണ് കുട്ടി ഗർഭിണിയാണെന്ന വിവരം ബന്ധുക്കൾ അറിയുന്നത്. തുടർന്ന് സംശയം തീർക്കാൻ ഉപ്പളയിലെ സ്വകാര്യ ആശുപത്രിയിൽ നടത്തിയ പരിശോധനയിലും ഇത് സ്ഥിരീകരിച്ചു.

ബംഗളൂരുവിലുള്ള ബന്ധുക്കളുടെ സഹായത്തോടെ രേഖകൾ ശരിയാക്കി ആശുപത്രിയിൽ പ്രവേശിപ്പിക്കപ്പെട്ട വിദ്യാർത്ഥിനി ദിവസങ്ങൾക്ക് ശേഷം ഒരു ആൺകുഞ്ഞിന് ജന്മം നൽകുകയായിരുന്നു. എന്നാൽ ഈ കുഞ്ഞിനെ പിന്നീട് എങ്ങോട്ടാണ് മാറ്റിയത് എന്നതുൾപ്പെടെയുള്ള വിവരങ്ങൾ ഇപ്പോഴും ദുരൂഹതയിൽ തുടരുകയാണ്. പ്രസവത്തിന് ശേഷം ഒന്നര മാസത്തോളം അവധിയിൽ കഴിഞ്ഞ പെൺകുട്ടി സ്കൂളിൽ തിരിച്ചെത്തിയപ്പോൾ അധ്യാപികമാർ കാര്യം തിരക്കിയെങ്കിലും കുട്ടി ഭയം മൂലം ഒന്നും തുറന്നുപറയാൻ തയ്യാറായില്ല. ഒടുവിൽ സ്കൂൾ അധികൃതർ നടത്തിയ അതീവ ഗൗരവകരമായ കൗൺസിലിംഗിലാണ് താൻ സഹപാഠിയായ പതിനേഴുകാരന്റെ ക്രൂരമായ പീഡനത്തിനാണ് ഇരയായതെന്നും, താൻ ഗർഭിണിയാകാൻ കാരണക്കാരൻ അവനാണെന്നുമുള്ള ഞെട്ടിക്കുന്ന സത്യം പെൺകുട്ടി വെളിപ്പെടുത്തിയത്.

‘ഒരാളെയും ബാക്കി വെച്ചിട്ടുണ്ടാകില്ല’: ഭീതി പരത്തുന്ന യാഥാർത്ഥ്യം

ഈ ഒറ്റപ്പെട്ട സംഭവമാണെന്നാണ് ആദ്യം കരുതിയത് എന്നാൽ സ്കൂളിലെയും പ്രദേശത്തെയും കൂടുതൽ വിദ്യാർത്ഥിനികൾ ഈ ക്രൂരതയ്ക്ക് ഇരയായിട്ടുണ്ടെന്ന വിവരങ്ങളാണ് ഇപ്പോൾ പുറത്തുവരുന്നത്. “പ്രതി ഒരാളെയും ബാക്കി വെച്ചിട്ടുണ്ടാകില്ല” എന്ന തരത്തിൽ പരസ്പരമുള്ള അടക്കംപറച്ചിലുകൾ ഈ നാടിനെ കൂടുതൽ ആശങ്കയിലാഴ്ത്തുന്നുണ്ട്. പീഡനത്തിനിരയായ കുട്ടികൾ സമൂഹത്തെയോ കുടുംബത്തെയോ ഭയന്ന് പുറംലോകത്തോട് പറയാതെ അനുഭവിച്ച മാനസിക സംഘർഷത്തിന്റെ വ്യാപ്തി ഊഹിക്കാവുന്നതിലും അപ്പുറമാണ്.

സംഭവം കാട്ടുതീ പോലെ പടർന്നതോടെ, പ്രതിയായ പതിനെട്ടുകാരൻ കുടുംബക്കാരുടെ ഒത്താശയോടെ ഒളിവിൽ പോവുകയായിരുന്നു. എന്നാൽ പോലീസിന്റെ ഊർജിതമായ അന്വേഷണത്തിനൊടുവിൽ കഴിഞ്ഞദിവസം വൈകുന്നേരത്തോടെ പ്രതിയെ കസ്റ്റഡിയിലെടുത്തതായാണ് വിവരം . ഇതൊരു പോക്സോ കേസും അതീവ സെൻസിറ്റീവായ വിഷയവുമായതുകൊണ്ട് പോലീസ് ഔദ്യോഗിക വിവരങ്ങൾ കർശനമായ രഹസ്യസ്വഭാവത്തിലാണ് സൂക്ഷിച്ചിരിക്കുന്നത്. പ്രതിയുടെ പ്രായവുമായി ബന്ധപ്പെട്ട ചില സാങ്കേതിക തർക്കങ്ങൾ നിലനിൽക്കുന്നുണ്ടെങ്കിലും, ചെയ്ത കുറ്റത്തിന്റെ ഭീകരത കണക്കിലെടുത്ത് കടുത്ത നിയമനടപടികൾ തന്നെ സ്വീകരിക്കുമെന്നാണ് സൂചന.

ഒരു വിദ്യാലയത്തെ മുഴുവൻ നാണം കെടുത്തുന്ന രീതിയിലുള്ള ഈ പ്രവൃത്തിക്ക് പിന്നിൽ പ്രവർത്തിച്ചവർക്ക് അർഹമായ ശിക്ഷ ഉറപ്പാക്കണമെന്നും, മാനസികമായി തകർന്ന വിദ്യാർത്ഥിനികൾക്ക് സ്കൂൾ തലത്തിൽ അടിയന്തരമായി ശക്തമായ കൗൺസിലിംഗും സംരക്ഷണവും നൽകണമെന്നുമാണ് നാട്ടുകാരുടെ ശക്തമായ ആവശ്യം. ഇരകളായ കുട്ടികളെ ഭയപ്പെടുത്താതെ രക്ഷിതാക്കൾ മുന്നോട്ടുവരണമെന്ന് നീതി ഉറപ്പാക്കുന്ന ശക്തമായ നടപടികൾ ഉണ്ടാകണമെന്ന പൊതുവികാരമാണ് പ്രദേശത്ത് ഉയരുന്നത്.