കൊടിയമ്മയിൽ സ്ഥാനാർഥി പ്രതിസന്ധി: അഷ്റഫ് കൊടിയമ്മയുടെ വിജയസാധ്യത മങ്ങിയെന്ന് വിലയിരുത്തൽ,ബന്നംകുളം രണ്ടാം വാർഡിലും പ്രതിസന്ധി

കുമ്പള : മുസ്ലിം ലീഗിന്റെ പരമ്പരാഗത ശക്തികേന്ദ്രമായ കൊടിയമ്മ വാർഡിൽ സ്ഥാനാർത്ഥി നിർണയവുമായി ബന്ധപ്പെട്ട അനിശ്ചിതത്വം ശക്തമാകുകയാണ്. കഴിഞ്ഞ പഞ്ചായത്ത് തെരഞ്ഞെടുപ്പിൽ ഉണ്ടായ അപ്രതീക്ഷിത തോൽവിക്കുശേഷം ശക്തമായി തിരിച്ചുവരാനുളള ലീഗ് നേതൃത്വത്തിന്റെ ശ്രമങ്ങൾക്ക് തിരിച്ചടിയായി, പാർട്ടിയുടെ ചർച്ചയിലുണ്ടായിരുന്ന പ്രധാന സ്ഥാനാർഥി അഷ്റഫ് കൊടിയമ്മ മത്സരത്തിൽ നിന്നും പിന്മാറാൻ സാധ്യതയുള്ളതായി റിപ്പോർട്ടുകൾ.

മുസ്ലിം ലീഗിലെ ഏറ്റവും മുതിർന്ന നേതാക്കളിലൊരാളും മുൻ പഞ്ചായത്ത് മെമ്പറുമായ അഷ്റഫ് കൊടിയമ്മ ഇപ്പോൾ മഞ്ചേശ്വരം എം.എൽ.എ AKM അഷ്റഫിന്റെ പി.എ എന്ന നിലയിലും പ്രവർത്തിക്കുന്നു. എന്നാൽ പാർട്ടിയിലെ പടലപ്പിണക്കം, വിമത പക്ഷത്തിലെ സലാമിന്റെ ശക്തമായ സാന്നിധ്യം എല്ലാം പരാജയഭീഷണി ഉയർത്തുന്നതാണ് . സ്വന്തം പരാജയം പാർട്ടിക്കും തന്റെ രാഷ്ട്രീയ ഭാവിക്കും വലിയ തിരിച്ചടിയാകുമെന്ന നിഗമനത്തിന്റെ അടിസ്ഥാനത്തിൽ മത്സരിക്കാനുള്ള താൽപര്യം കുറഞ്ഞിരിക്കുകയാണ് എന്നതാണ് വിലയിരുത്തൽ.

അതേസമയം പ്രദേശത്തെ ലീഗ് പ്രവർത്തകർ “ഇപ്പോൾ മത്സരത്തിൽ നിന്ന് പിന്മാറുന്നത് കൊടിയമ്മയിലെ ലീഗിന്റെ നിലനിൽപ്പിനെ തന്നെ ദുർബലപ്പെടുത്തും” എന്ന വിലയിരുത്തലിലാണ് .
പ്രാദേശിക രാഷ്ട്രീയ നിരീക്ഷകർ ഇപ്രാവശ്യം കൊടിയമ്മയിൽ ത്രികോണ മത്സരം ശക്തമായി അരങ്ങേറാൻ സാധ്യതയുണ്ട് എന്നും വിലയിരുത്തുന്നു.

അതേസമയം കുമ്പള പഞ്ചായത്തിലെ സ്ഥാനാർത്ഥി പ്രഖ്യാപനത്തിലുള്ള പ്രശ്നങ്ങൾ കൊടിയമ്മയിൽ മാത്രമല്ല. ബന്നംകുളം രണ്ടാം വാർഡിലും വലിയ പ്രതിസന്ധി പൊട്ടിപ്പുറപ്പെട്ടിരിക്കുകയാണ്. എസ്.ടി.യു ജില്ലാ സെക്രട്ടറിയും യൂത്ത് ലീഗ് പഞ്ചായത്ത് വൈസ് പ്രസിഡന്റുമായ നിസാം ചോനംപാടിയുടെ സഹോദരി സീനത്ത് രണ്ടാം വാർഡിലേക്കുള്ള ലീഗ് സ്ഥാനാർഥിയായി പരിഗണനയിൽ ഉൾപ്പെട്ടിരുന്നു. എന്നാൽ നിലവിൽ വാർഡ് മെമ്പറായ റഹ്മാൻ അരികടി, തന്റെ ഭാര്യയ്ക്കുവേണ്ടി അവകാശവാദം ഉന്നയിച്ചതോടെ, പാർട്ടിക്കുള്ളിലെസ്വരചേർച്ച ഇല്ലാതെയായി ഇതോടുകൂടി നിസാമിന്റെ സഹോദരി സ്വതന്ത്ര സ്ഥാനാർഥിയായി മത്സരിക്കാനുള്ള സാധ്യത വർദ്ധിച്ചിരിക്കുകയാണ്.
അങ്ങനെ സംഭവിച്ചാൽ വാർഡിലെ മത്സരം കൂടുതൽ കടുപ്പമേറിയതാകുമെന്ന് പാർട്ടി പ്രവർത്തകരും പ്രാദേശിക വിശകലനക്കാരും വിലയിരുത്തുന്നു.

Summary in English

In Kumbla, uncertainty looms over candidate selection in the traditional Muslim League stronghold of Kodyamma. After the party’s unexpected defeat in the last local body elections, the leadership’s attempt to make a strong comeback has suffered a setback. Senior leader, former panchayat member, and current PA to Manjeshwaram MLA A.K.M. Ashraf — Ashraf Kodyamma — is reportedly considering withdrawing from the race.

Internal factionalism within the Muslim League and the strong presence of rebel leader Salam have raised concerns about a possible defeat. Fearing that another loss could damage both the party’s hold in Kodyamma and his own political future, Ashraf is said to be reluctant to contest. However, local party workers believe that stepping back now could further weaken the League’s influence in the ward. Political observers predict a tight triangular contest in Kodyamma this time.

Meanwhile, a similar crisis is unfolding in Bannamkulam Ward 2 of the same panchayat. Zeenath, sister of STU district secretary and Youth League vice-president Nizam Chonampady, was under consideration as the League’s candidate. But the current ward member, Rahman Arikady, has put forward his wife’s claim to the ticket, leading to internal disputes. This has increased the possibility of Zeenath contesting as an independent candidate, which could intensify the competition in the ward.