By കാസർകോട്: തെരഞ്ഞെടുപ്പ് സുരക്ഷ ശക്തമാക്കിയ സാഹചര്യത്തിൽ പെരിയ ദേശീയപാതയിൽ പൊലീസ് നടത്തിയ വാഹന പരിശോധന ഒരു മയക്കുമരുന്ന് കടത്തൽ ശ്രമം വെളിച്ചത്തിൽ കൊണ്ട് വന്നു . സ്വിഫ്റ്റ് കാറിൽ ഒളിപ്പിച്ച് എംഡിഎംഎ കടത്താൻ ശ്രമിച്ച രണ്ടുപേരെ പൊലീസ് തന്ത്രപ്രധാനമായ നീക്കത്തിലൂടെ പിടികൂടുകയായിരുന്നു.
തിങ്കളാഴ്ച വൈകുന്നേരം മൂന്നരയോടെ പെരിയ സെൻട്രൽ യൂണിവേഴ്സിറ്റിക്ക് സമീപമാണ് പരിശോധനയ്ക്കിടെ പ്രതികളെ പിടി കൂടാൻ സാധിച്ചത് . പെരിയയിൽ നിന്ന് കാഞ്ഞങ്ങാട് ഭാഗത്തേക്ക് സഞ്ചരിച്ചിരുന്ന കാറിനെ സംശയത്തിന്റെ അടിസ്ഥാനത്തിൽ തടഞ്ഞുവച്ച് നടത്തിയ പരിശോധനയിലാണ് 1.95 ഗ്രാം എംഡിഎംഎ ഒളിപ്പിച്ച നിലയിൽ കണ്ടെത്തിയത്.
പയ്യന്നൂർ രാമന്തളി മൗവ്വനാൽ ഹൗസിലെ പ്രജിത്ത് (33), അതേ പ്രദേശത്തെ കുന്നരു താവര ഹൗസിലെ സജിത്ത് (36) എന്നിവരാണ് പിടിയിലായത്.
തിരഞ്ഞെടുപ്പ് കാലത്ത് മയക്കുമരുന്ന് ഇടപാടുകൾ സജീവമാകാനുള്ള സാധ്യത കണക്കിലെടുത്ത് പെരിയ–ബേക്കൽ മേഖലയിൽ പൊലീസ് ശക്തമായ പരിശോധനയിലാണ് . ഇതിന്റെ ഭാഗമായാണ് ഈ പിടികൂടൽ നടപ്പായത്.
ബേക്കൽ എസ്ഐ ടി. അഖിൽ. ജൂനിയർ എസ്ഐ സെബാസ്റ്റ്യൻ, പ്രൊബേഷൻ എസ്ഐ റോഷൻ, സിവിൽ പൊലീസ് ഓഫീസർ കൃഷ്ണനുണ്ണി എന്നിവരും സംഘത്തിലുണ്ടായിരുന്നു. സംഘത്തിന്റെ ഏകോപിതവും വേഗത്തിലുള്ളതുമായ ഇടപെടലാണ് പ്രതികളെ കൃത്യസമയത്ത് പിടികൂടാൻ സഹായിച്ചത്.
മയക്കുമരുന്ന് ഒഴുക്ക് നിയന്ത്രിക്കാനുള്ള പൊലീസ് ജാഗ്രത ദിനംപ്രതി ശക്തമാക്കിയ സാഹചര്യത്തിൽ പെരിയയിലെ ഈ സംഭവം പൊലീസ് സാന്നിധ്യത്തിന്റെ ശക്തിയും കാര്യക്ഷമതയും വീണ്ടും തെളിയിച്ചിരിക്കുകയാണ്.
English Summary
A swift and coordinated police operation in Periya, Kasaragod, led to the arrest of two individuals attempting to transport MDMA in a Swift car. The incident occurred during intensified vehicle checks enforced as part of election security measures. The suspects — Prijith (33) and Sajith (36) — were intercepted near Periya Central University on Monday evening. Upon inspection, police discovered 1.95 grams of MDMA concealed inside their vehicle. The operation was led by Bekal SI T. Akhil, supported by Junior SI Sebastian, Probation SI Roshan, and CPO Krishnanunni. The incident highlights the increased police vigilance in the Periya–Bekal region to curb drug trafficking, especially during the election period.
