By 74 കാരിയായ വിജയകുമാരിയാണ് കൊല്ലപ്പെട്ടത്.
തിരുവനന്തപുരം: കല്ലിയൂരില് മകന് അമ്മയെ കഴുത്തറുത്ത് കൊന്നു. 74 കാരിയായ വിജയകുമാരിയാണ് കൊല്ലപ്പെട്ടത്. മകന് അജയകുമാറിനെ പോലീസ് കസ്റ്റഡിയിലെടുത്തു. ബുധനാഴ്ച രാത്രി 11.45 ഓടെയാണ് സംഭവം. പൊട്ടിയ മദ്യക്കുപ്പി ഉപയോഗിച്ചാണ് ഇയാള് ആക്രമണം നടത്തിയത്.
മുന് സര്ക്കാര് ജീവനക്കാരിയാണ് കൊല്ലപ്പെട്ട വിജയകുമാരി. മുന് കോസ്റ്റ്ഗാര്ഡ് ഉദ്യോഗസ്ഥനാണ് മകന് അജയകുമാര്. ഇയാള് രാത്രി വീട്ടിലിരുന്ന് മദ്യപിക്കുന്നതിനിടെ മദ്യക്കുപ്പി നിലത്തുവീണ് പെട്ടുകയും പിന്നാലെയുണ്ടായ തര്ക്കമാണ് കൊലപാതകത്തില് കലാശിച്ചതെന്നാണ് വിവരം.
വീട്ടിലിരുന്ന് മദ്യപിക്കുന്നത് അമ്മ ചോദ്യം ചെയ്തതോടെ പ്രകോപിതനായ മകന് പൊട്ടിയ മദ്യക്കുപ്പി ഉപയോഗിച്ച് വിജയകുമാരിയുടെ കഴുത്തില് കുത്തുകയായിരുന്നുവെന്നാണ് വിവരം. സംഭവ സ്ഥലത്തുനിന്ന് തന്നെ വിജയകുമാരി മരിച്ചുവെന്നാണ് വിവരം.
ഭാര്യയുമായി അകന്നതിന് ശേഷം അമ്മയോടൊപ്പമാണ് അജയകുമാര് താമസിച്ചിരുന്നത്.
