മാങ്കൂട്ടത്തിൽ എംഎൽഎക്കെതിരെ കൂടുതൽ ആരോപണം; വനിത പ്രവർത്തകർ സ്വകാര്യമായി പരാതി നൽകിയിട്ടുണ്ടെന്ന് യൂത്ത് കോൺഗ്രസ് നേതാവ് സജന ബി. സാജൻ

പാലക്കാട്:
രാഹുലിനെതിരെയുള്ള ലൈംഗികാരോപണ വിവാദത്തിന്റെ ചൂട് കുറഞ്ഞിട്ടില്ല. പാലക്കാട് എംഎൽഎ രാഹുൽ മാങ്കൂട്ടത്തിൽക്കെതിരായ ആരോപണങ്ങൾക്ക് നടുവിൽ, യൂത്ത് കോൺഗ്രസ് സംസ്ഥാന ജനറൽ സെക്രട്ടറി സജന ബി. സാജന്റെ പരസ്യ പ്രതികരണം രാഷ്ട്രീയ വേദികളിൽ പുതിയ ചർച്ചകൾക്ക് വഴിയൊരുക്കുകയാണ്. രാഹുലിനെതിരെ പാർട്ടിക്കുള്ളിലും ഗുരുതരമായ പരാതികൾ ഉയരുന്നുണ്ട് എന്നും ചില വനിത പ്രവർത്തകർ സ്വകാര്യമായി തന്റെ ശ്രദ്ധയിൽപ്പെടുത്തിയ കാര്യങ്ങളുണ്ടെന്നും സജന തുറന്നു പറഞ്ഞു.

“ഈ വിഷയങ്ങൾ പാർട്ടി അവഗണിക്കുകയോ മറച്ചുവെക്കുകയോ ചെയ്യാനാവില്ല,” എന്നായിരുന്നു സജനയുടെ മറുപടി. ലൈംഗികാരോപണ കേസിൽ സസ്പെൻഡ് ചെയ്തിട്ടും രാഹുൽ പാർട്ടിവേദികളിൽ പ്രത്യക്ഷപ്പെടുന്നത് ശരിയായ നടപടി അല്ലെന്നും സജ്ന ചൂണ്ടിക്കാട്ടി. പാർട്ടിയുടെ ഔദ്യോഗിക ക്ഷണം നൽകാതെയാണ് അദ്ദേഹം ചില ചടങ്ങുകളിൽ പങ്കെടുക്കുന്നത്. പ്രവർത്തനങ്ങൾക്ക് പിന്തുണയൊരുക്കാൻ സിനിമാ നടികളെ വരുത്തി ‘ഷോ’ സൃഷ്ടിക്കുന്നതിന്റെ ആവശ്യകത എന്താണെന്ന് സജന ചോദിച്ചു പരിഹസിക്കുകയും ചെയ്തു.

രാഹുലിനെതിരെ കൂടുതൽ തെളിവുകൾ സമർപ്പിക്കാൻ മുന്നോട്ട് വരുന്ന പെൺകുട്ടികൾ ഉണ്ടെങ്കിൽ, അതെല്ലാം കെപിസിസി അധ്യക്ഷനു കൈമാറുമെന്നും പ്രതി ആരായാലും നീതി നിഷേധിക്കപ്പെടില്ലെന്നുറപ്പാക്കി തന്നെയാണെന്നും സജന വ്യക്തമാക്കി. രാഹുൽ മാങ്കൂട്ടത്തിൽക്കെതിരെ പാർട്ടി എടുത്ത നടപടി ഗൗരവമായ വിവരങ്ങളുടെയും തെളിവുകളുടെയും അടിസ്ഥാനത്തിലാണ് എന്നും ഇത് വ്യക്തിപരമായ ഒരാളുടെ തീരുമാനമല്ല, പാർട്ടി ലീഡർഷിപ്പിന്റെ ഒന്നടങ്കമുള്ള നിലപാടാണ് എന്നും സജന കൂട്ടിച്ചേർത്തു.

വിഷയത്തിൽ വ്യക്തമായ മറുപടി നൽകുന്നതിനു പകരം രാഹുൽ ഇതുവരെ ശബ്ദരേഖകൾ നിഷേധിക്കുകയോ മാനനഷ്ടക്കേസ് ഫയൽ ചെയ്യുകയോ ചെയ്തിട്ടില്ല. ഒരു നേതാവിൽ നിന്ന് പ്രതീക്ഷിക്കാവുന്ന പ്രതികരണം അദ്ദേഹം കാണിക്കാത്തത് തന്നെ വലിയ സംശയങ്ങൾക്കിടയാക്കുന്നതായും ഇത് മാങ്കൂട്ടം ആസ്വദിക്കുന്ന രീതിയിലുള്ള സാഹചര്യമായി തോന്നുന്നതായും സജന വിമർശിച്ചു.

കോൺഗ്രസ് ഒരാളുടെ ചുറ്റുമല്ല പ്രവർത്തിക്കുന്നത് എന്നും വ്യക്തിവത്കരണ ശ്രമങ്ങൾ പാർട്ടിയെ ദുർബലപ്പെടുത്തുമെന്നും സജന മുന്നറിയിപ്പ് നൽകി. “ഇന്ത്യൻ നാഷണൽ കോൺഗ്രസ് ഒരിക്കലും ഒരു വ്യക്തിയിൽ ആരംഭിച്ചതല്ല .ഒരാളിൽ അവസാനിക്കുന്നതുമല്ല. പാർട്ടിയുടെ തീരുമാനമാണ് നമ്മൾ മാനിക്കേണ്ടത്. വ്യക്തിപരമായ അനുകമ്പകൾക്ക് ഇവിടെ സ്ഥാനമില്ല,” എന്ന് അദ്ദേഹം വ്യക്തമാക്കി.

മാങ്കൂട്ടത്തിൽ എംഎൽഎക്കെതിരായ ആരോപണങ്ങളും പാർട്ടിക്കുള്ളിലെ അതൃപ്തിയും കൂടിക്കലർന്ന സാഹചര്യത്തിൽ, സജനയുടെ പരസ്യ നിലപാട് വിഷയത്തെ വീണ്ടും ദേശീയ രാഷ്ട്രീയ ചർച്ചയിലേക്ക് ഉയർത്തുകയാണ്.

English Summary

The controversy surrounding Palakkad MLA Rahul Mankootathil intensified as Youth Congress State General Secretary Sajan B. Sajan revealed that several women workers had privately shared complaints against the suspended MLA. Speaking to reporters, Sajan stated that the Congress Party could not ignore or hide such serious allegations.

He criticized Rahul for appearing at party events despite being suspended over sexual misconduct accusations. Sajan mocked the use of film actresses to boost Rahul’s public appearances, questioning the legitimacy of such activities without official party invitations.

Sajan added that if more women come forward with evidence, he will submit a formal complaint to the KPCC President. He emphasized that the party’s action against Rahul was based on credible information, not personal opinions.

Highlighting Rahul’s failure to deny the leaked audio clips or file a defamation case, Sajan argued that such silence strengthens the suspicions against him. He asserted that the Congress Party is not centered around any individual and warned against personalizing party politics.

With growing dissatisfaction within the party and serious allegations piling up, Sajan’s public statements have pushed the issue into the forefront of state-level political debate.