By കൊല്ലം: നാലര പതിറ്റാണ്ടിലേറെക്കാലം ഇടതുപക്ഷത്തിൻ്റെ (എൽ.ഡി.എഫ്.) ഉരുക്കുകോട്ടയായി നിലനിന്ന കൊല്ലം കോർപ്പറേഷനിൽ വോട്ടെണ്ണലിൻ്റെ ആദ്യ സൂചനകൾ പുറത്തുവരുമ്പോൾ രാഷ്ട്രീയ ഭൂപടം അവിശ്വസനീയമാംവിധം മാറ്റിമറിയുകയാണ്. ചരിത്രപരമായ തിരിച്ചടി നേരിടുന്നതിൻ്റെ ലക്ഷണങ്ങളാണ് എൽ.ഡി.എഫിന് ആദ്യഘട്ടത്തിൽ ദൃശ്യമായത്. ഇതുവരെ ലഭ്യമായ കണക്കുകൾ പ്രകാരം, 11 ഡിവിഷനുകളിൽ യു.ഡി.എഫ്. ശക്തമായ മുന്നേറ്റം നടത്തുമ്പോൾ, എൽ.ഡി.എഫിന് അഞ്ച് ഡിവിഷനുകളിൽ മാത്രമാണ് മുൻതൂക്കം നേടാൻ കഴിഞ്ഞത്. ഇതിലും വലയ പ്രഹരമായി നാല് ഡിവിഷനുകളിൽ ബി.ജെ.പി. (എൻ.ഡി.എ.) മുന്നിലുള്ളത് ഇടതുപക്ഷത്തിൻ്റെ വോട്ടുബാങ്കിൽ വലിയ ചോർച്ചയുണ്ടായി എന്ന സൂചന നൽകുന്നു.
തുടർച്ചയായി 45 വർഷത്തോളം ഇടതുപക്ഷം നിയന്ത്രിച്ച ഭരണകേന്ദ്രത്തിൽ ഇത്തരമൊരു പതർച്ച സമീപകാല ചരിത്രത്തിൽ അപൂർവ്വമാണ്. യു.ഡി.എഫിൻ്റെ ശക്തമായ തിരിച്ചുവരവിനൊപ്പം ബി.ജെ.പി.യുടെ വൻ മുന്നേറ്റം കൂടി ചേർന്നതോടെ, പരമ്പരാഗത ഇടതുപക്ഷ വോട്ടുകൾ പോലും ഇത്തവണ പിളർന്നുപോയെന്ന വ്യക്തമായ സൂചനയാണ് വോട്ടെണ്ണൽ പ്രവണതകൾ നൽകുന്നത്. കൊല്ലത്തെ ഈ ഫലം, ഇടതു കോട്ടകളിലെ വോട്ടർമാരുടെ രാഷ്ട്രീയ മനസ്സുമാറ്റം വ്യക്തമാക്കുന്ന ഒന്നായി മാറുകയാണ്.
കൊല്ലത്ത് മാത്രമല്ല, തലസ്ഥാന നഗരിയിലും രാഷ്ട്രീയ ചിത്രം മാറിമറിയുന്നു എന്ന സൂചനകളാണ് ലഭിക്കുന്നത്. തിരുവനന്തപുരം കോർപ്പറേഷനിൽ ആദ്യമായി എൻ.ഡി.എ. അധികാരം പിടിച്ചേക്കുമെന്ന സാധ്യത ശക്തമാകുകയാണ്. നിലവിൽ, 27 സീറ്റുകളിൽ എൻ.ഡി.എ. മുന്നിലാണ്. എൽ.ഡി.എഫിന് 15 സീറ്റുകളും യു.ഡി.എഫിന് 12 സീറ്റുകളിലുമാണ് മുൻതൂക്കം നേടാനായത്. വോട്ടെണ്ണൽ പുരോഗമിക്കുന്തോറും എൻ.ഡി.എയുടെ ഈ മേൽക്കൈ ഉറപ്പിക്കുകയാണെങ്കിൽ, അത് കേരള രാഷ്ട്രീയ ചരിത്രത്തിലെ ഏറ്റവും നിർണ്ണായകമായ വഴിത്തിരിവുകളിലൊന്നാകും.
കൊല്ലത്തും തിരുവനന്തപുരത്തും ഒരേസമയം സംഭവിക്കുന്ന ഈ രാഷ്ട്രീയ പ്രകമ്പനങ്ങൾ സംസ്ഥാന രാഷ്ട്രീയത്തിൽ ദൂരവ്യാപക പ്രത്യാഘാതങ്ങൾ സൃഷ്ടിക്കുമെന്നാണ് രാഷ്ട്രീയ നിരീക്ഷകരുടെ വിലയിരുത്തൽ. ഇത് കേവലം നഗരസഭാ ഭരണത്തിൽ മാത്രം ഒതുങ്ങുന്ന വിഷയമല്ല. മറിച്ച്, വരാനിരിക്കുന്ന നിയമസഭാ തെരഞ്ഞെടുപ്പുകളിലേക്കുള്ള വ്യക്തമായ രാഷ്ട്രീയ സൂചനകളാണ് ഈ ഫലങ്ങളിലൂടെ പുറത്തുവരുന്നത്. ഇടതുപക്ഷത്തിൻ്റെ പരമ്പരാഗത ശക്തികേന്ദ്രങ്ങളിൽ ഉണ്ടായ ഈ കുലുക്കം, കേരള രാഷ്ട്രീയത്തിൽ ഒരു പുതിയ അധ്യായത്തിന് തുടക്കമാകുമോ എന്ന ചോദ്യമാണ് ഇപ്പോൾ ശക്തമായി ഉയരുന്നത്.
English Summary:
Kerala is witnessing a dramatic political shift as early vote-counting trends point to an unprecedented setback for the Left Democratic Front (LDF) in its long-standing bastions. In Kollam Corporation, considered an impregnable Left fortress for over four and a half decades, the United Democratic Front (UDF) has surged ahead, leading in 11 divisions, while the LDF is confined to leads in just five. Compounding the blow, the BJP-led NDA is ahead in four divisions, indicating a significant erosion and fragmentation of the traditional Left vote base.
Such a reversal in Kollam is rare in recent political history and reflects a visible change in voter sentiment within core Left constituencies. The combined impact of a strong UDF resurgence and the BJP’s growing presence suggests a broader political realignment unfolding in urban Kerala.
Similar tremors are being felt in the state capital as well. In Thiruvananthapuram Corporation, trends indicate the possibility of the NDA forming power for the first time. The NDA is currently leading in 27 seats, while the LDF and UDF trail with leads in 15 and 12 seats respectively. If these trends hold, it could mark one of the most decisive turning points in Kerala’s municipal political history.
Political observers note that these simultaneous developments in Kollam and Thiruvananthapuram go far beyond local governance. They are increasingly viewed as early indicators of voter mood ahead of future Assembly elections, raising serious questions about the durability of the Left’s traditional strongholds and signalling the potential beginning of a new political chapter in Kerala.
