ബെംഗളൂരു: പകൽവെളിച്ചത്തിൽ ഐടി നഗരമെന്ന് അഭിമാനിക്കുന്ന ബെംഗളൂരുവിന്റെ രാത്രികൾ സ്ത്രീകൾക്ക് ഇപ്പോഴും പേടിസ്വപ്നമാകുന്നു. ചിക്കബനാവരയിൽ രാത്രി ഡ്യൂട്ടി കഴിഞ്ഞ് വീട്ടിലേക്ക് മടങ്ങുകയായിരുന്ന യുവ വനിതാ ഡോക്ടറെ വഴിചോദിക്കാനെന്ന വ്യാജേനെയെത്തി ലൈംഗികമായി ആക്രമിച്ച സംഭവം നഗരത്തെ നടുക്കിയിരിക്കുകയാണ്. ഒരു സഹായത്തിനായി കൈനീട്ടുന്നവരെപ്പോലും ഭയപ്പെടേണ്ടി വരുന്ന ഭീതിദമായ സാഹചര്യത്തിലേക്കാണ് ഈ സംഭവം വിരൽചൂണ്ടുന്നത്.

ബുധനാഴ്ച രാത്രി ചിക്കബനാവര എജിബി ലേഔട്ടിലെ വിജനമായ റോഡിലായിരുന്നു സംഭവം. സ്വകാര്യ ആശുപത്രിയിൽ നിന്ന് ജോലി കഴിഞ്ഞ് തളർന്ന് മടങ്ങുകയായിരുന്നു ഡോക്ടർ. ഈ സമയം ബൈക്കിലെത്തിയ ഒരു യുവാവ് വളരെ മാന്യമായ രീതിയിൽ ബസ് സ്റ്റോപ്പിലേക്കുള്ള വഴി തിരക്കി ഡോക്ടറുടെ സമീപം വാഹനം നിർത്തി. അപരിചിതനായ ഒരാൾ വഴിതെറ്റി നിൽക്കുകയാണല്ലോ എന്ന കരുണയോടെ ദിശ കാണിച്ചുകൊടുക്കാൻ ശ്രമിച്ച ഡോക്ടറെ, ബൈക്കിൽ നിന്നിറങ്ങിയ അക്രമി പെട്ടെന്ന് കടന്നുപിടിക്കുകയായിരുന്നു.

മിന്നൽ വേഗത്തിലുണ്ടായ ആക്രമണത്തിൽ പകച്ചുപോയെങ്കിലും, ധൈര്യം കൈവിടാതെ യുവതി ഉച്ചത്തിൽ നിലവിളിച്ചു. ജനവാസ മേഖലയ്ക്ക് അല്പം അകലെയാണെങ്കിലും ഡോക്ടറുടെ നിലവിളി കേട്ട് പരിസരവാസികൾ ഓടിയെത്തി. ആളുകൾ വരുന്നത് കണ്ടതോടെ പരിഭ്രാന്തനായ പ്രതി ഉടൻ തന്നെ ബൈക്ക് ഓടിച്ചുപോയി. നാട്ടുകാർ പിന്നാലെ ഓടിയെങ്കിലും ഇരുട്ടിന്റെ മറവിൽ ഇയാൾ അപ്രത്യക്ഷനായി.

സമാനമായ നിരവധി സംഭവങ്ങൾ നഗരത്തിന്റെ പല ഭാഗങ്ങളിൽ നിന്നും റിപ്പോർട്ട് ചെയ്യപ്പെടുന്നുണ്ടെങ്കിലും, സേവനരംഗത്തുള്ള ഒരു ആരോഗ്യ പ്രവർത്തകയ്ക്ക് നേരെയുണ്ടായ ഈ അതിക്രമം അതീവ ഗൗരവത്തോടെയാണ് പോലീസ് കാണുന്നത്. എജിബി ലേഔട്ടിലെ സിസിടിവി ദൃശ്യങ്ങൾ പോലീസ് ശേഖരിച്ചിട്ടുണ്ട്. പ്രതിയുടെ ബൈക്ക് നമ്പർ തിരിച്ചറിയാനുള്ള ശ്രമങ്ങൾ ഊർജിതമാക്കി.

“സഹായം ചോദിക്കുന്നവരെ വിശ്വസിക്കുന്ന നന്മയെപ്പോലും വേട്ടക്കാർ ആയുധമാക്കുന്നു” എന്നാണ് ഈ സംഭവത്തെക്കുറിച്ച് സാമൂഹിക പ്രവർത്തകർ പ്രതികരിച്ചത്. തെരുവുവിളക്കുകളുടെ അഭാവവും പോലീസിന്റെ രാത്രികാല പട്രോളിംഗിലെ കുറവുമാണ് ഇത്തരം ക്രിമിനലുകൾക്ക് വളമാകുന്നതെന്ന വിമർശനം ഇതിനകം ഉയർന്നു കഴിഞ്ഞു. സ്ത്രീസുരക്ഷയ്ക്കായി വൻ പദ്ധതികൾ പ്രഖ്യാപിക്കുമ്പോഴും, സാധാരണക്കാരായ സ്ത്രീകൾക്ക് പേടിയില്ലാതെ നടന്നുപോകാൻ കഴിയുന്ന സാഹചര്യം ബെംഗളൂരുവിൽ എന്ന് ഉറപ്പാക്കാൻ കഴിയുമെന്നാണ് പൊതുസമൂഹം ചോദിക്കുന്നത്.

English Summary:
Bengaluru witnessed yet another disturbing incident highlighting concerns over women’s safety, as a young woman doctor was sexually assaulted while returning home after night duty. The incident occurred on Wednesday night at Chikkabanavara AGB Layout. According to the complaint, a man arrived on a motorcycle and pretended to ask for directions to a nearby bus stop. When the doctor tried to help him, the man suddenly got off the bike and sexually assaulted her.

The victim raised an alarm, prompting nearby residents to rush to the spot, after which the accused fled the scene on his motorcycle. Though locals attempted to chase him, he managed to escape under the cover of darkness. Police have registered a case and launched an investigation, collecting CCTV footage from the area to identify the accused and trace the vehicle.

The incident has sparked outrage, with social activists and residents questioning the effectiveness of night-time patrolling, street lighting, and broader measures claimed to ensure women’s safety in the city. The assault on a healthcare professional returning from duty has once again underlined the vulnerability women face in public spaces, especially at night.