മുംബൈയിൽ ബിസിനസ് മീറ്റിംഗിനിടെ തോക്കുചൂണ്ടി പീഡനം; രാജ്യത്ത് സ്ത്രീ സുരക്ഷക്കുള്ള ഭീഷണി ഉയരുന്നു

മുംബൈ: രാജ്യത്തെ നടുക്കി സ്ത്രീകൾക്കെതിരായ അതിക്രമങ്ങളുടെ ഞെട്ടിക്കുന്ന രണ്ട് സംഭവങ്ങൾ പുറത്തുവന്നിരിക്കുന്നു. മുംബൈയിൽ 51 വയസ്സുള്ള ഒരു ബിസിനസുകാരിയെ തോക്കുചൂണ്ടി ഭീഷണിപ്പെടുത്തി പീഡിപ്പിക്കുകയും നഗ്നയാക്കി വീഡിയോ ചിത്രീകരിക്കുകയും ചെയ്ത സംഭവത്തിൽ പ്രമുഖ ഫാർമസ്യൂട്ടിക്കൽ കമ്പനിയുടെ മാനേജിംഗ് ഡയറക്ടർ ഉൾപ്പെടെ ആറ് പേർക്കെതിരെ മുംബൈ പോലീസ് കേസ് രജിസ്റ്റർ ചെയ്തു. ഫ്രാങ്കോ–ഇന്ത്യൻ ഫാർമസ്യൂട്ടിക്കൽസിന്റെ എം.ഡി.യും സ്ഥാപക അംഗവുമായ ജോയ് ജോൺ പാസ്‌കൽ പോസ്റ്റിനും അഞ്ച് സഹപ്രവർത്തകർക്കുമെതിരെയാണ് പരാതിക്കാരിയുടെ മൊഴിയുടെ അടിസ്ഥാനത്തിൽ കേസ് സ്വീകരിച്ചത്.

ഒരു ഔദ്യോഗിക മീറ്റിംഗിന്റെ പേരിലാണ് തന്നെ കമ്പനിയുടെ ഓഫീസിലേക്ക് വിളിച്ചുവരുത്തിയതെന്ന് പരാതിക്കാരി പോലീസിനോട് വെളിപ്പെടുത്തി. അവിടെവെച്ച് പ്രതികൾ ഭീഷണിപ്പെടുത്തുകയും, തോക്കുചൂണ്ടി വസ്ത്രങ്ങൾ അഴിക്കാൻ നിർബന്ധിക്കുകയും ലൈംഗികമായി പീഡിപ്പിക്കുകയും ചെയ്തു. കൂടാതെ, നഗ്നചിത്രങ്ങളും വീഡിയോകളും പകർത്തി, ഇക്കാര്യം പുറത്തറിയിച്ചാൽ ദൃശ്യങ്ങൾ പരസ്യപ്പെടുത്തുമെന്ന് ഭീഷണിപ്പെടുത്തിയതായും പരാതിയിൽ പറയുന്നു. ലൈംഗിക പീഡനം, ആക്രമണം, ക്രിമിനൽ ഭീഷണിപ്പെടുത്തൽ എന്നിവയുൾപ്പെടെയുള്ള ഗുരുതര വകുപ്പുകൾ പ്രകാരം പ്രതികൾക്കെതിരെ കേസുകൾ ചുമത്തിയിട്ടുണ്ട്.

അതേസമയം, കൊൽക്കത്തയിൽ സമാനമായ മറ്റൊരു ഭീകരസംഭവവും റിപ്പോര്‍ട്ട് ചെയ്തിട്ടുണ്ട്. രാത്രി ഒമ്പത് മണിയോടെ മൊബൈൽ ആപ്ലിക്കേഷനിൽ ബുക്ക് ചെയ്ത കാബ് കാത്തുനിന്ന യുവതിയാണ് അക്രമത്തിന് ഇരയായത്. കാറിൽ എത്തിയ മൂന്ന് പേർ യുവതിയെ ബലം പ്രയോഗിച്ച് വാഹനത്തിനുള്ളിലേക്ക് വലിച്ചിഴച്ച് കയറ്റുകയും, നിർബന്ധിച്ച് മയക്കുമരുന്ന് നൽകിയ ശേഷം കൂട്ടബലാത്സംഗം ചെയ്യുകയുമായിരുന്നു. ശേഷം റോഡിൽ ഉപേക്ഷിച്ച യുവതി ആശുപത്രിയിൽ പ്രവേശിപ്പിച്ചപ്പോഴാണ് സംഭവം പുറത്തറിയുന്നത്.

മുംബൈയിലും കൊൽക്കത്തയിലും അരങ്ങേറിയ ഈ സംഭവങ്ങൾ രാജ്യത്തെ സ്ത്രീകളുടെ സുരക്ഷയെക്കുറിച്ചുള്ള ഗൗരവമായ ചോദ്യങ്ങൾ ഉയർത്തുന്നു. കുറ്റകൃത്യങ്ങളുടെ വർദ്ധനവ് സർക്കാർ നിയമപാലന സംവിധാനങ്ങൾക്ക് നേരെയുള്ള വിമർശനമായി മാറിയിരിക്കുകയാണ്. കുറ്റവാളികൾക്കെതിരെ കർശന നടപടി സ്വീകരിക്കണമെന്നും, സ്ത്രീ സുരക്ഷ ഉറപ്പാക്കാൻ ശക്തമായ നിയമങ്ങൾ നടപ്പിലാക്കണമെന്നും രാഷ്ട്രീയ-സാമൂഹിക വേദികളിൽ നിന്നും ശക്തമായ ആവശ്യങ്ങൾ ഉയരുന്നുണ്ട്. സ്ത്രീകളെ ലക്ഷ്യമിട്ടുള്ള അതിക്രമങ്ങളെ രാഷ്ട്രീയ ഭേദമന്യേ നേരിടേണ്ടതിന്റെ ആവശ്യകതയാണ് ഈ സംഭവം വ്യക്തമാക്കുന്നത്.

English Summary

Two shocking incidents of violence against women have emerged in India, raising serious concerns about their safety. In Mumbai, a 51-year-old businesswoman alleged that she was threatened at gunpoint, sexually assaulted, and filmed naked during a business meeting by the Managing Director of Franco–Indian Pharmaceuticals, Joy John Pascal Post, and five associates. Police have registered cases against all six individuals under charges including sexual assault, criminal intimidation, and assault.

Meanwhile, in Kolkata, a young woman was allegedly drugged, abducted, and gang-raped by three men after booking a cab through a mobile app late at night. She was later abandoned on the road and hospitalized.

These incidents highlight the urgent need for stricter law enforcement and stronger measures to ensure women’s safety in India. Political and social platforms are demanding stringent action against perpetrators, emphasizing that gender-based violence must be addressed without political bias.