കാസർകോട്: വീടിനുള്ളിലെ സുരക്ഷിതത്വമെന്ന വിശ്വാസത്തിന് മേൽ വീണ്ടും കരിനിഴൽ വീഴ്ത്തി 14 വയസ്സുകാരിക്ക് നേരെ പൈശാചികമായ അതിക്രമം. അമ്മയുടെ സുഹൃത്ത് എന്ന പേരിൽ വീട്ടിലെത്തിയിരുന്ന യുവാവ് പ്രായപൂർത്തിയാകാത്ത പെൺകുട്ടിയെ നിരന്തരം ലൈംഗികമായി പീഡിപ്പിച്ച വാർത്ത പുറംലോകത്തെ നടുക്കുന്നു. സംഭവത്തിൽ സാജിദ് (39) എന്നയാളെ വിദ്യാനഗർ പോലീസ് പോക്സോ നിയമപ്രകാരം അറസ്റ്റ് ചെയ്തു. മാസങ്ങളോളം ആരുമറിയാതെ ഉള്ളിലൊതുക്കിയ നീറുന്ന വേദന ഒടുവിൽ അധ്യാപികമാരോട് പങ്കുവെച്ചതോടെയാണ് ക്രൂരതയുടെ ചുരുളഴിഞ്ഞത്.

മാതാവുമായുള്ള സൗഹൃദം മുതലെടുത്ത് വീട്ടിൽ കയറിപ്പറ്റിയ പ്രതി, കുട്ടിയുടെ നിസ്സഹായതയെയും ഭയത്തെയും കരുവാക്കുകയായിരുന്നു. മുതിർന്നവർ ഇല്ലാത്ത സമയം നോക്കി നടത്തിയ അതിക്രമങ്ങൾ ഭീഷണി ഭയന്നാണ് കുട്ടി പുറത്തു പറയാതിരുന്നത്. എന്നാൽ, ഒളിഞ്ഞുനോട്ടക്കാരന്റെ വേഷത്തിൽ നിന്ന് വേട്ടക്കാരന്റെ ക്രൂരതയിലേക്ക് കടന്ന സാജിദിന്റെ ഉപദ്രവം അസഹനീയമായതോടെയാണ് കുട്ടി തന്റെ കൂട്ടുകാരെയും അധ്യാപികമാരെരെയും വിവരം അറിയിച്ചത്

കുട്ടിയുടെ വെളിപ്പെടുത്തലിൽ പകച്ചുപോയ അധ്യാപകർ ഒട്ടും വൈകാതെ ചൈൽഡ് ലൈനിനെ വിവരമറിയിച്ചു. തുടർന്ന് പോലീസിന്റെ സമയോചിതമായ ഇടപെടലിലൂടെ സാജിദ് പിടിയിലായി. പ്രായപൂർത്തിയാകാത്ത കുട്ടികൾക്ക് നേരെയുള്ള ക്രൂരമായ പീഡനത്തിന് ചുമത്തുന്ന കർശനമായ വകുപ്പുകളാണ് പ്രതിക്കെതിരെ രജിസ്റ്റർ ചെയ്തിരിക്കുന്നത്. വീട്ടിലെത്തുന്ന അപരിചിതരും പരിചയക്കാരും കുഞ്ഞുങ്ങളോട് എങ്ങനെ പെരുമാറുന്നു എന്ന് നിരീക്ഷിക്കാൻ രക്ഷിതാക്കൾക്ക് വലിയൊരു പാഠമാവുകയാണ് ഈ സംഭവം. നിയമത്തിന്റെ പഴുതുകളില്ലാത്ത ശിക്ഷ ഉറപ്പാക്കാനുള്ള നീക്കത്തിലാണ് വിദ്യാനഗർ പോലീസ്.

ENGLISH SAMMARY:

39-year-old man, identified as Sajid, was arrested by the Vidyanagar Police in Kasaragod for allegedly sexually assaulting a 14-year-old girl. The accused, who was a close friend of the victim’s mother, frequently visited their house and exploited this trust to commit the crime over several months. The incident came to light when the girl, unable to bear the trauma any longer, confided in her school teachers. Following the teachers’ intervention and a subsequent complaint by Childline, the police registered a case under the POCSO Act. The accused has been remanded by the court, and the police have emphasized the need for parental vigilance regarding children’s safety.