ജനാധിപത്യത്തിന്റെ തറക്കല്ല് ഭരണഘടന; ” സംരക്ഷണം ഒരുമിച്ചുള്ള കടമയെന്ന് രാഹുൽ”

ന്യൂഡൽഹി: രാജ്യത്തെ ജനാധിപത്യ മൂല്യങ്ങൾ സംരക്ഷിക്കപ്പെടേണ്ടതിന്റെ പ്രാധാന്യം വീണ്ടും മുന്നോട്ട് കൊണ്ടുവന്ന് ഇന്ത്യൻ ഭരണഘടനയുടെ മഹത്വത്തെക്കുറിച്ച് ശക്തമായ രാഷ്ട്രീയ സന്ദേശമാണ് ലോക്‌സഭാ പ്രതിപക്ഷ നേതാവ് രാഹുൽ ഗാന്ധി ഭരണഘടനാ ദിനത്തിൽ ഉന്നയിച്ചത്. ഭരണഘടന ഒരു നിയമഗ്രന്ഥം മാത്രമല്ല, മറിച്ച് ഓരോ പൗരനും രാഷ്ട്രം നൽകുന്ന ഉറപ്പും സുരക്ഷയും സമത്വവുമാണെന്ന് അദ്ദേഹം വ്യക്തമാക്കി.

സമൂഹമാധ്യമങ്ങളിലൂടെയാണ് രാഹുൽ ഗാന്ധി തന്റെ പ്രതികരണം പങ്കുവച്ചത്. “മതം, ജാതി, ഭാഷ, സമ്പത്ത്, ദാരിദ്ര്യം എന്നിങ്ങനെ എത്ര വ്യത്യാസങ്ങൾ ഉണ്ടെങ്കിലും, ഭരണഘടന ഇന്ത്യയിലെ ഓരോ പൗരനെയും ഒരേ കണ്ണിലാണ് കാണുന്നത്. എല്ലാവർക്കും ബഹുമാനവും നീതിയും തുല്യതയും നൽകുന്ന അതുല്യമായ സാമൂഹിക കരാർ ആണ് നമ്മുടെ ഭരണഘടന,” എന്ന് അദ്ദേഹം പറഞ്ഞു. ഭരണഘടനയിൽ അടങ്ങിയിരിക്കുന്ന ഈ മൂല്യങ്ങൾ രാജ്യത്തിന്റെ അടിസ്ഥാന ശക്തിയാണെന്നും, അതിനെ സംരക്ഷിക്കേണ്ടത് രാഷ്ട്രീയത്തിനറുമുള്ള ഒരു കൂട്ടായ ഉത്തരവാദിത്വമാണെന്നും അദ്ദേഹം സൂചിപ്പിച്ചു.

ഭരണഘടന സംരക്ഷിക്കപ്പെടുന്നിടത്തോളം പൗരന്മാരുടെ അവകാശങ്ങളും സ്വാതന്ത്ര്യങ്ങളും സുരക്ഷിതമാണെന്ന് രാഹുൽ ഗാന്ധി വ്യക്തമാക്കി. ഭരണഘടനയ്ക്കെതിരായ ഏതൊരു ആക്രമണവും രാജ്യത്തെയും ജനാധിപത്യത്തെയും ദുർബലപ്പെടുത്തുന്നുവെന്ന് അദ്ദേഹം ഓർമ്മിപ്പിച്ചു. “ഇത്തരം ആക്രമണങ്ങൾ ഒന്നും അനുവദിക്കില്ലെന്ന് നമുക്ക് ഒരുമിച്ച് പ്രതിജ്ഞയെടുക്കണം. ഭരണഘടനയെ സംരക്ഷിക്കുന്നത് എന്റെ കടമയാണ്. അതിനെതിരായ ഏതൊരു ശ്രമത്തിനുമെതിരെയും ഞാൻ ആദ്യം നിലകൊള്ളുമെന്ന് രാഹുൽ ഗാന്ധി പറഞ്ഞു.

രാഷ്ട്രീയ ചൂട് കലിഷിതമാകുന്ന സാഹചര്യത്തിൽ ഭരണഘടനാപരമായ മൂല്യങ്ങൾ പിന്നോട്ടുപോകുന്നതായി പ്രതിപക്ഷം ആവർത്തിച്ച് ആരോപിക്കുന്ന പശ്ചാത്തലത്തിൽ, രാഹുലിന്റെ പ്രസ്താവന കൂടുതൽ പ്രസക്തമാകുന്നു. രാജ്യത്തിന്റെ പൗരാവകാശങ്ങൾ സംരക്ഷണമാണ് ഇന്ന് ഏറ്റവും പ്രധാനപ്പെട്ട ഉത്തരവാദിത്തമാണെന്ന് അദ്ദേഹം വ്യക്തമാക്കി. ജനാധിപത്യത്തിന്റെ മൗലിക സ്തംഭങ്ങളെ തകർക്കുന്ന നീക്കങ്ങൾക്കെതിരേ രാഷ്ട്രീയമൗനം പാലിക്കരുതെന്നും, ഭരണഘടന ശക്തമായിരുന്നതാണ് രാജ്യത്തിന്റെ ഭാവി ഉറപ്പാക്കുന്നതെന്നും രാഹുൽ ഗാന്ധിയുടെ സന്ദേശം വ്യക്തമാക്കുന്നു.

ഭരണഘടനാ ദിനത്തിൽ നൽകിയ രാഹുലിന്റെ ഈ പ്രതികരണം, കോൺഗ്രസ് പാർട്ടിയുടെ ദേശീയ രാഷ്ട്രീയ നിലപാടിനെയും ജനാധിപത്യ മൂല്യങ്ങളോടുള്ള പ്രതിബദ്ധതയെയും വീണ്ടും മുന്നോട്ടുകൊണ്ടുവരുന്നുവെന്നാണ് രാഷ്ട്രീയ നിരീക്ഷകർ വിലയിരുത്തുന്നത്.

English Summary

On the occasion of Constitution Day, Leader of the Opposition in the Lok Sabha, Rahul Gandhi, delivered a strong political message emphasizing the importance of safeguarding India’s democratic values. He stated that the Constitution is not merely a legal text but a sacred guarantee of equality, dignity, justice, and security for every citizen, regardless of religion, caste, language, or economic status.

Through a social media post, Gandhi said the Constitution treats all citizens equally and serves as a social contract binding the nation. He warned that any attack on the Constitution is an attack on democracy itself and pledged to stand first against such attempts. In the context of rising political tensions and opposition allegations that constitutional values are being undermined, Gandhi’s remarks gained added significance. He stressed that protecting citizens’ rights and upholding democratic pillars is a responsibility that goes beyond politics.

Political observers note that his statement reinforces the Congress Party’s stance on defending democratic principles and constitutional integrity at a crucial time.