By കന്നഡയ്ക്ക് പുറമെ തമിഴ്, മലയാളം, തെലുങ്ക് ഭാഷകളില് ചിത്രം ലഭ്യമാകും
മേയ്ക്കിങ് കൊണ്ട് പ്രേക്ഷകരെ വിസ്മയിപ്പിച്ച ഋഷഭ് ഷെട്ടിയുടെ ‘കാന്താര: ചാപ്റ്റര് 1’ ഒ.ടി.ടിയില് എത്തുന്നു. ഒക്ടോബര് 31 മുതല് ചിത്രം ആമസോണ് പ്രൈം വീഡിയോയില് സ്ട്രീം ചെയ്യും.
കന്നഡയ്ക്ക് പുറമെ തമിഴ്, മലയാളം, തെലുങ്ക് ഭാഷകളില് ചിത്രം ലഭ്യമാകും. എന്നാല് ഹിന്ദി വേര്ഷന് ഉള്പ്പെടുത്തിയിട്ടില്ല എന്നതില് ആരാധകര് അസന്തോഷം പ്രകടിപ്പിച്ചിട്ടുണ്ട്. ”കന്നഡയിലും തെലുങ്കിലും എത്തിയപ്പോള് ഹിന്ദി ഇല്ലാതിരുന്നതെന്തിന്?” എന്ന ചോദ്യങ്ങള് സോഷ്യല് മീഡിയയില് ഉയര്ന്നിട്ടുണ്ട്.
2025ലെ ഏറ്റവും വലിയ ബോക്സ് ഓഫീസ് വിജയമായി മാറിയ ‘കാന്താര: ചാപ്റ്റര് 1’ ആഗോളതലത്തില് 813 കോടി രൂപ സമാഹരിച്ചു. ഇതോടെ ‘ഛാവ’യുടെ 807 കോടി രൂപയുടെ റെക്കോഡ് മറികടന്നു. വെറും 125 കോടിയുടെ ബജറ്റില് ഒരുക്കിയ ചിത്രം ആമസോണ് വന്തുകയ്ക്ക് സ്വന്തമാക്കിയതായും റിപ്പോര്ട്ടുകള് പറയുന്നു.
ചിത്രത്തില് ബെര്മെ എന്ന കഥാപാത്രമായി ഋഷഭ് ഷെട്ടിയും, കനകവതിയായി രുക്മിണി വസന്തും അഭിനയിക്കുന്നു. ഗുല്ഷാന് ദേവയ്യയും ജറയാംയും പ്രധാന വേഷങ്ങളിലെത്തുന്നു. ഋഷഭ് ഷെട്ടി തന്നെ തിരക്കഥയും സംവിധാനവും നിര്വഹിച്ചിരിക്കുന്നു.
കദംബ രാജവംശകാലത്തെ പശ്ചാത്തലത്തില് മനുഷ്യന്, പ്രകൃതി, ദൈവവിശ്വാസം എന്നിവയുടെ ബന്ധത്തെപ്പറ്റി സംസാരിക്കുന്നതാണ് ഈ പ്രീക്വല്. പഞ്ചുലൂരി ദൈവം, ഗുലിഗ, ചാവുണ്ടി തുടങ്ങിയ ദൈവവിശ്വാസങ്ങളുടെയും ഇതിഹാസങ്ങളുടെയും ആഴത്തിലുള്ള കഥയാണ് ചിത്രം അവതരിപ്പിക്കുന്നത്.
2022ല് പുറത്തിറങ്ങിയ സൂപ്പര്ഹിറ്റ് ചിത്രമായ ‘കാന്താര’യുടെ പ്രീക്വലായ ഈ ചിത്രം ഹോംബാലെ ഫിലിംസ് ആണ് നിര്മ്മിച്ചത്. ചിത്രത്തിന്റെ അവസാന രംഗം തന്നെ ‘കാന്താര: ദി ലെജന്ഡ് ചാപ്റ്റര് 2’ ന്റെ സൂചന നല്കുന്നു, അതിലൂടെ സീരീസിന്റെ തുടര്ച്ചയേക്കുറിച്ച് ആരാധകര്ക്ക് വലിയ പ്രതീക്ഷയുണ്ട്.
